ادعمنا بالمشاركة :)

فاكر لما كنا لمه،،

كلمات الشاعر: شادي جاهين

فاكر لما كنا لمه جوا طشت بنستحمي / شادي جاهين

فاكر لما كنا لمه …. جوه طشت بنستحمى
الحياة كانت بسيطة … والدولاب مسمار في حيطه
وأمهات كانت حويطه …… مطبخها وابور وحله
وغدوة في الضهرية حلوة…..ونومه رايقة في حته ِضله
وصهد فرن يدفي ضهرك … مش سرير خشب ومله
ضحكة صافية والف عافية …. والكولدير كان زير وقُله
ولمة العيلة الكبيرة ………. جنب راكيه دافيه حلوة
راحت البسمة الجميلة … غابت الضحكة اللي طاله
ميت خسارة علي البساطة… كانت حياتنا بيها جنة
الحياة دلوقتي زيطه ….. زمبليطة وخلبطيطه
بس اجمل ذكرياتنا …. واحلي كل سنين حياتنا
لما كنا بنبقي لمه … جوه طشت بنستحمي

25 عدد المشاهدات

ادعمنا بالمشاركة :)
alattar

alattar

فإن العمر أيام .. و عطر عابر فاني

المقالات: 62
0 0 الاصوات
Article Rating

اترك رد

0 تعليقات
Inline Feedbacks
عرض كل التعليقات