ادعمنا بالمشاركة :)

طُز ف الاحلام وفيكي …
طُز فيّا عشان شاريكي
الفُراق دلوقتي عادي !!
كخ ليّا وحلو ليكي !!؟
قولت هابعد الف مره …
وانتي قولتي بلاش فُراق
اتفقنا نكون لبعض ..
يبقا نبعد باتّفاق
ليه بقا اتغيّر كلامك ..
فجأه قررتي تسيبيني !!؟
لو مش مرتاحه فعلاً ..
كنتي طيب عرّفيني
بس انا بالعند فيكي ..
مش هاسيبك تقتليني
عادي يعني هاعيش حياتي ..
وامسح الماضي اللّي فات
مش هاجيب سيرتك لغيرك ..
هانْكرك م الذكريات
مش هاقول ان انتي اصلاً ..
كنتي امي وكنتي بنتي
مش هاقول انّك سفينتي ..
اللي غرقت من غبائي
مش هابيّن اشتياقي ..
حتى لو حنيت ف يوم
مش هافكّر فيكي تاني ..
وبُكرا عادي يجيلي نوم
حتى لو صُدفه اتقابلنا ..
مش هاحِن او اندَهِك
مش مهم اتجوزك
مش مهم بناتي تيجي بتشبَهِك
بكرا ييجي واكون ناسيكي ..
شوفي مين بقا هايواسيكي
طُز ف الاحلام وفيكي !!
24 عدد المشاهدات

ادعمنا بالمشاركة :)
alattar

alattar

فإن العمر أيام .. و عطر عابر فاني

المقالات: 62
0 0 الاصوات
Article Rating

اترك رد

0 تعليقات
Inline Feedbacks
عرض كل التعليقات